بنت الخادمة

هو مين اللي ابنك؟
ثريا وبعدين ما تقلقش، العريس موجود.
سدرة إيه يا ماما؟ الكلام ده؟
ثريا اسكتي خليني أتكلم.
هشام عريس إيه يا ماما؟ إنتِ هتعملي كده؟
ثريا هعمل إيه يا هشام؟ ما تحترم نفسك.
هشام ماشي يا ماما.
ثريا يلا يا سدرة يا حبيبتي.
سدرة بصوت واطي جدًا لثريا
بصراحة أنا خاېفة أخرج مع عمر، أحسن هشام يزعل منه.
ثريا ولا يهمك منه، يلا معايا.
ثريا يلا يا سدرة، نتغدى الأول وبعد كده نبقى نشوف موضوع الخروج.
سدرة يلا يا ماما.
ثريا خدت سدرة ونزلوا.
محسن إيه اللي حصل؟
ثريا هيحصل إيه؟ ابنك حجر، ما بيحسش.
محسن يعني مافيش فايدة؟
عمر أنا موقفي إيه في الليلة دي؟ أنا غلطان إني سمعت كلامكم.
ثريا إنت خاېف كده ليه يا عمر؟ هشام هيعملك إيه؟
عمر على الأقل ممكن أخسر شغلي.
محسن لا، ما تخافش.
ثريا بس خلاص، نتغدى الأول وبعدين نتكلم.
ثريا عم صالح، الغدا جاهز؟
عم صالح أيوه يا هانم.
محسن طيب يلا يا عمر، يلا يا سدرة.
محسن هو هشام مش هينزل؟
هشام لا يا بابا، إزاي؟
ثريا إنت هتتغدى معانا يا هشام؟
هشام إيه يا ماما؟ مش عايزاني أتغدى معاكم ولا إيه؟
ثريا لا يا حبيبي، إزاي؟ أصل بقالك كام يوم بتتغدى بره.
هشام من هنا ورايح هتغدى معاكي يا ماما.
ثريا معايا أنا؟
هشام لو سمحت يا عمر.
عمر أفندم؟
هشام قوم.
عمر أقوم إزاي؟ يعني أمشي؟
هشام قوم من على الكرسي.
عمر طيب أقعد فين؟
هشام في أي مكان يا أخي.
محسن تعالى يا عمر جمبي هنا، وسيب الكرسي لهشام.
عمر طيب الطبق ولا هتاخده هو كمان؟
هشام شيل يا خفيف.
سدرة أنا شبعت، الحمد لله.
ثريا إنتِ أكلتي حاجة يا حبيبتي؟
عمر ضحك.
هشام إنت بتضحك على إيه يا زفت؟
عمر لا أبدًا يا هشام، أصل عمي قاللي على حاجة تضحك.
محسن اقعد يا هشام.
هشام ماليش نفس.
ثريا إيه يا هشام؟ الخطوبة إمتى؟ يوم الخميس زي ما قولنا؟
هشام أيوه يا ماما.
محسن طيب يا ابني خلص الغلبانة دي.
هشام قصدك إيه يا بابا؟
محسن طلق سدرة. حرام يا هشام اللي إنت هتعمله فيها.
هشام يووووه!
يتبع
هشام والله ما أعرف.
محسن في إيه يا هشام؟ مالك؟
محسن يا بني، عمر بيهزر معاك.
عمر والله ما أقصد حاجة يا هشام.
ثريا يظهر إنه متخانق مع مي.
هشام لا أبدًا، مافيش حاجة من الكلام ده. أنا ومي كويسين جدًا.
ثريا طيب الحمد لله.
هشام على فكرة، الخطوبة الخميس الجاي.
ثريا تصدق إنك ما عندكش ډم؟
هشام في إيه يا ماما؟
محسن أبدًا يا هشام، ألف مبروك وربنا يتمم بخير.
هشام متشكر يا بابا.
محسن بس من حق سدرة إنها تطلق علشان تشوف حياتها.
هشام قصدك يا بابا إنها تشوف حياتها؟
محسن تتجوز وتخلف.
ثريا آه طبعًا. لازم البنت بقت دكتورة وجميلة.
هشام ماشي، اللي عايزينه هعمله.
ثريا يا عمر، مش سامعين صوتك.
عمر عايزاني أقول إيه يا طنط؟ القرار الأول والأخير لهشام وسدرة.
هشام في أي حاجة تانية يا ماما؟
ثريا لا، مافيش يا أستاذ هشام.
هشام أستاذ؟ إنتِ بتكلميني رسمي؟
محسن خلاص يا هشام، ماما زهقانة شوية.
هشام طيب إنتِ وبابا لازم تيجوا الخطوبة يا ماما.
ثريا ربنا يسهل.
محسن أكيد يا هشام.
ثريا بس سدرة هتيجي معانا.
هشام اللي تشوفوه.
محسن ده كلام يا ثريا؟
ثريا آه، وبعدين هشام هيطلق قبل الخطوبة.
هشام يعني إيه يا ماما؟
ثريا اللي إنت سمعته.
عمر يا جماعة استهدوا بالله.
ثريا إيه يا عمر؟ مش إنت كنت عايز تعرف سدرة هتطلق إمتى؟
عمر أنا؟ طب ليه؟
محسن خلاص، وطي صوتك يا ثريا، البنت نازلة.
سدرة في إيه يا ماما؟ صوتكم عالي.
ثريا أصل هشام خطوبته يوم الخميس.
محسن مالكيش حق يا ثريا.
سدرة عادي يا ماما، هو حر.
ثريا يعني إيه يا سدرة؟ ده جوزك.
سدرة على الورق بس يا ماما. إنتِ عايزة الأستاذ هشام يتجوز بنت الخدامة.
ثريا زينب ما كانتش خدامة.
سدرة لا يا ماما، كانت خدامة.
محسن في إيه يا سدرة؟ اهدي يا بنتي.
ثريا إنتِ بنتي أنا يا سدرة.
هشام خلاص، كل اللي عنده حاجة قالها.
عمر في إيه يا هشام؟
هشام اسكت إنت خلاص.
ثريا إيه اسكت دي؟ عمر يعتبر خطيب سدرة.
عمر أنا؟!
هشام والله الحكاية كده.
سدرة في إيه يا جماعة؟ إنتوا قاعدين تجوزوني لده وتطلقوني من ده؟ أنا خلاص تعبت.
ثريا اهدي يا سدرة، والله يا بنتي ما أقصد حاجة.
هشام اسمعوا القرار ده أنا مش هطلق، وهتجوز مي. الشرع محلل أربعة.
محسن إنت اټجننت يا هشام؟
هشام ليه يا بابا؟ أنا بحب مي ومش هقدر أستغنى عنها.
ثريا طب وسدرة؟
هشام مراتي هي كمان.
محسن يعني مراتك هي كمان يا هشام؟
سدرة أرجوك يا هشام، طلقني. أنا خلاص مش عايزة حاجة، وروح اتجوز زي ما إنت عايز.
هشام تمام، الخطوبة بعد بكره.
عمر إيه يا هشام؟ إنت ماكنتش كده يا أخي.
هشام ماشي يا عم عمر، مقبولة منك.
محسن مالك يا ثريا؟
ثريا أبدًا، يظهر إني نسيت العلاج بتاعي.
هشام مالك يا ماما؟ أجيبلك
دكتور؟
ثريا لا، أنا كويسة.
محسن دكتور ليه وسدرة هنا؟
محسن تعالى يا سدرة شوفي ثريا مالها.
سدرة أنا آسفة يا ماما، أنا السبب.
ثريا لا يا حبيبتي، عادي، ده بيحصلي على طول.
سدرة طيب اقعدي علشان أكشف عليكي.
ثريا يا بنتي والله ما في حاجة.
سدرة طيب على الأقل هقيس الضغط.
ثريا ماشي يا سدرة.
سدرة اطمني بس يا ماما.
عمر إيه يا طنط؟ مالها يا سدرة؟
سدرة ماما زي الفل، الضغط هو اللي عالي شوية. هتاخد العلاج وهتبقى كويسة.
هشام ألف سلامة عليكي يا ماما.
ثريا الله يسلمك يا هشام.
هشام إنت بتنادي سدرة باسمها ليه يا عمر؟
عمر إنت أهبل يا بني؟
هشام اسمها مدام هشام.
عمر إنت بتحبها يا هشام؟
يتبع
هشام اسمها مدام سدرة.
عمر إنت بتحبها يا هشام؟
هشام حب إيه وبتاع إيه؟ هو ده اللي ناقص!
عمر مالها سدرة بقى؟
هشام أنا قولت اسمها مدام سدرة يا عمر، إنت بتنسى؟
عمر وبتقول ما بتحبهاش؟
هشام أرجوك يا عمر، كده كتير.
عمر إنت لسه يا هشام مصمم على فكرة الخطوبة؟
هشام طبعًا.
عمر إنت مافيش فايدة فيك.
هشام على العموم، ما تنساش تيجي الخطوبة.
ثريا إيه يا عمر؟ واقف عندك ليه؟
عمر أنا كنت بتكلم مع هشام شوية يا طنط.
ثريا ده مش نافع معاه كلام.
عمر طيب عن إذنك يا طنط، أنا لازم أمشي.
هشام أوعى تنسى الخطوبة بعد بكره.
عمر سلام يا هشام.
ثريا إنت إيه؟ ما بتحسش؟
هشام في إيه يا ماما؟ مش إنتِ عايزاها معاكي؟ خلاص، أنا مش هطلقها علشان تفضل هنا معاكي إنتِ وبابا.
محسن خلاص يا هشام، اتفضل إنت دلوقتي علشان مامتك تعبانة.
هشام ألف سلامة يا ماما.
ثريا لو سمحت يا محسن، ممكن تشوف سدرة فين؟
محسن سدرة؟ أنا شوفتها وهي داخلة أوضة النوم بتاعتها.
وعدى اليوم، وجه يوم خطوبة هشام.
محسن صباح الخير يا ثريا.
ثريا هييجي مين الخير؟
محسن في إيه يا ثريا على الصبح؟
ثريا خاېفة على سدرة يا محسن.
محسن ما تقلقيش، ربنا هيعوضها بواحد أحسن منه.
ثريا كنت عايزاها لهشام يا محسن.
محسن ده نصيب، هنعمل إيه؟
ثريا البنت خسارة.
محسن خلاص يا ثريا بقى، يلا البسي.
ثريا ليه يا محسن؟ إنت فاكرني هروح الخطوبة؟
محسن آه يا ثريا، هنروح كلنا.
ثريا تقصد إيه؟
محسن أنا وإنتِ وسدرة كمان.
ثريا لا، كده كتير.
محسن بالعكس، لازم تشوفي تصرف هشام في الخطوبة.
ثريا يعني إيه؟
محسن لما تروحي هتشوفي.
ثريا إنت بتتكلم بالألغاز ليه؟
محسن يلا، ادعي اللي في بالي يطلع صح.
ثريا أما أشوف.
محسن خلاص البسي بسرعة، على ما أقنع سدرة.
محسن خبط على باب سدرة.
سدرة مين؟
محسن أنا يا حبيبتي، ممكن أدخل؟
سدرة اتفضل يا بابا.
محسن ممكن أتكلم معاكي شوية؟
سدرة والله يا بابا، أنا مش زعلانة إن هشام هيخطب.
محسن مين قال إني جاي أتكلم معاكي عن الخطوبة أصلًا؟
سدرة أمال حضرتك عايز تتكلم عن إيه؟
محسن عايزك تلبسي أحلى فستان عندك وتيجي معانا الخطوبة.
سدرة لا يا بابا، ما ينفعش.
محسن لا، ده هينفع قوي. يلا قومي.
ثريا أنا خلاص لبست.
سدرة ماما، بابا عايزني أروح معاكم الخطوبة.
ثريا وفيها إيه؟ إنتِ بنتي.
محسن يلا بقى، أدي ثريا هي كمان موافقة.
ثريا أيوه يا حبيبتي، لازم نروح.
سدرة بس يا ماما...
محسن مافيش بس. أنا هخرج أدور على العربية.
ثريا استنى يا محسن.
محسن في إيه يا ثريا؟
ثريا هو هشام خرج ولا لسه؟
محسن لا طبعًا، هشام مش هيروح لوحده يا ثريا. لازم نكون معاه. يلا نادي على سدرة، الله هنزل قدامكم.
ثريا سدرة، خلاص يا حبيبتي؟
سدرة أيوه يا ماما.
ثريا بسم الله ما شاء الله.
سدرة مش قوي كده يا ماما.
ثريا لا، ده أكتر من كده. ربنا يحفظك.
سدرة طيب يلا بقى علشان بابا.
هشام إزيك يا بابا؟ عامل إيه؟
محسن الحمد لله.
هشام أمال فين ماما؟
محسن نازلة دلوقتي هي وسدرة.
هشام هي هتيجي؟
محسن هي مين دي؟
هشام أبدًا، مافيش. هتركبوا معايا طبعًا.
محسن لا طبعًا، إنت ناسي إن سدرة مش هتركب عربيتك.
هشام ليه؟
محسن من غير ليه، أوسع علشان يركبوا.
هشام بص، شاف سدرة خارجة هي وثريا، واتغيرت ملامحه للحظة.
ثريا إزيك يا هشام؟ ألف مبروك.
هشام الله يبارك فيكي يا ماما.
محسن يلا يا ثريا، اركبي العربية.
هشام ما تيجي يا ماما تركبي معايا.
ثريا طيب وسدرة؟ لا، أنا هروح أنا وسدرة مع باباك.
محسن إيه ده؟ عمر؟
عمر أيوه يا عمي، قولت أجي أروح معاكم أحسن ما أروح لوحدي.
ثريا طيب وماله يا حبيبي.
هشام إنت إيه اللي جابك؟
عمر أفندم؟
محسن سيب عربيتك يا عمر وتعالى معانا.
عمر ماشي يا عمي. طيب خليني أنا أسوق.
محسن لا، أنا اللي هسوق عربيتي.
عمر طيب أنا هركب فين؟
محسن اركب في الكرسي اللي ورا مع سدرة.
عمر نعم؟
ثريا إنت هتخلي هشام ېقتل عمر؟
محسن بدل ما هو مش راضي يتحرك.
هشام كان واقف وسمع الكلام، وبان عليه الڠضب.
محسن يلا بينا بقى، هنتأخر.
هشام معلش يا بابا، عمر ييجي معايا في عربيتي.
محسن بص لثريا وقال بصوت واطي
الله أكبر، أبو الهول اتحرك.
وأخيرًا العربيات اتحركت وطلعوا على بيت العروسة.
عمر هو فاضل كتير على بيت مي يا هشام؟
هشام لا، خمس دقايق.
عمر غريبة.
هشام هي يا سي عمر اللي غريبة.
عمر إني قلت مي وما اتعصبتش؟
هشام لسه ما بقتش مراتي.
هشام بطل كلام بقى علشان وصلنا.
محسن خلاص وصلنا يا ثريا، هركن علشان تنزلوا.
ثريا يلا يا سدرة.
عمر الفرح فخم قوي يا هشام.
هشام طبعًا يا بني، هو أنا أي حد؟
عمر ټموت في المظاهر.
محسن يلا يا هشام، إنت وعمر.
أول ما دخلوا، مي راحت ناحية هشام لاستقباله.
ثريا إيه اللي بتعمليه ده؟ بالراحة.
محسن خلاص يا ثريا.
سدرة كانت واقفة تبص على هشام، ودموعها نزلت من تحت النقاب، بس محدش كان شايفها.
هشام ماما، تعالى أعرفك على مي.
ثريا عارفاها يا هشام.
هشام في إيه يا ماما؟
محسن تعالى يا ثريا، خلي اليوم يعدي على خير.
مي إزيك يا طنط؟
ثريا أهلًا يا حبيبتي.
محسن ألف مبروك يا مي.
مي الله يبارك فيك يا أنكل.
ثريا هي فين سدرة؟ أنا مش عارفة راحت فين.
محسن ما تقلقيش، سدرة قاعدة مع عمر.
هشام سمع إن سدرة قاعدة مع عمر، وبان عليه الڠضب.
مي في إيه يا هشام؟ مالك؟
هشام أبدًا.
ثم نظر إلى ملابس مي وقال
الفستان ده مناسب للخطوبة؟
مي طبعًا، ده فستان خطوبتي.
هشام طيب، ثواني.
هشام راح وقف عند
عمر وسدرة.
عمر إيه يا سايب عروستك وجاي ليه؟
هشام بص لسدرة، ولاحظ آثار الدموع في عينيها.
يتبع
هشام شاف الدموع في عين سدره، بس مش عارف سببها إيه.
عمر إيه يا هشام؟
هشام مفيش، كنت عايزك في مشوار.
عمر دلوقتي يا هشام؟ إنت أكيد بتهزر.
هشام يا عم هزار إيه بس؟
عمر ماشي يا هشام، عايز إيه؟
هشام عايز علبة سجاير.
عمر إنت بتستعبط يا هشام، صح؟
هشام طيب بلاش، قولي إنت كنت بتقول إيه لسدره؟
عمر وإنت مالك؟ إنت مش هتطلقها؟
هشام أيوه، بس...
عمر إيه يا عم؟ سيبها تشوف حياتها بدل ما إنت مش بتحبها.
هشام لسه هيتكلم، لقى مي بتنادي عليه.
مي إيه يا هشام؟ هو النهارده مش خطوبتنا؟
هشام أيوه طبعًا.
مي طيب خلاص، تعالى نرقص.
عمر روح ارقص يا هشام.
وبعد شوية، عمر بص حواليه وقال
عمر سدره راحت فين؟ أنا سبتها قاعدة هنا.
وبص لثريا
عمر طنط ثريا، ما شوفتيش سدره؟
ثريا خرجت في الجنينة تعمل فون لواحدة صحبتها.
عمر أنا هروح أشوفها.
ثريا لا، تعالى، هي هتيجي دلوقتي.
محسن بس هي اتأخرت يا ثريا.
في الوقت ده، سدره كانت خلصت المكالمة بتاعتها، وقعدت بره شوية، لأن جوه كان فيه دوشة.
شخص الجو هادي جدًا، أحسن من الدوشة اللي جوه.
سدره أفندم؟
الشخص أنا مصطفى، مهندس معماري.
سدره طيب أنا أعمل إيه؟
مصطفى طيب اهدي بس، وأنا هعرفك.
سدره عن إذنك.
مصطفى رايحة فين؟
سدره زمان ماما وبابا بيدوروا عليا.
مصطفى هي مامتك هنا؟
سدره لو سمحت يا أستاذ.
مصطفى اتفضلي يا آنسة.
سدره دخلت وراحت عند ثريا ومحسن.
ثريا إيه يا حبيبتي؟ كل ده كلام مع صحبتك؟
سدره لا أبدًا، أنا كنت قاعدة في الهوا شوية.
مصطفى دخل وشاف سدره واقفة مع ثريا، وقال لنفسه
أنا مش هسيبها تروح منّي، باين عليها إنسانة محترمة وملتزمة.
سدره هو فاضل كتير؟ أنا تعبت.
محسن معلش يا حبيبتي، أنا عارف إنه صعب عليكي تشوفي جوزك مع واحدة تانية.
سدره لا أبدًا يا بابا، وهو أنا اتكلمت معاه أصلًا علشان أقول عليه جوزي؟
ثريا يا حبيبتي، روحي الحمام اغسلي وشك علشان تفوقي، أصل أنا شايفاكي مضايقة.
محسن يا سدره، قومي يا بنتي.
سدره عن إذنكم.
سدره راحت الحمام وغسلت وشها، وظبطت نقابها، وخرجت.
مصطفى شاف سدره وهي خارجة من الحمام، وراح ناحيتها.
مصطفى إيه يا آنسة؟
سدره حضرتك تاني؟
مصطفى إيه بس؟ هو أنا ضايقتك في حاجة؟
في الوقت ده، هشام شاف سدره وهي واقفة مع مصطفى، وطبعًا سدره ما كانش في دماغها أي حاجة.
ثريا مين ده يا محسن اللي واقف مع سدره؟
محسن مش عارف، يمكن دكتور زميلها.
عمر أنا هروح أشوف في إيه.
لسه عمر هيقوم، لقى هشام راح عند سدره.
مي إنت رايح
فين يا هشام؟
هشام دقيقة بس وجاي.
هشام راح عند سدره ومصطفى.
هشام حضرتك مين؟
مصطفى وإنت مين؟
هشام أنا اللي بسألك.
مصطفى بصراحة، أنا شوفت الآنسة وأعجبت بيها وعايز أتجوزها، مش أكتر. يعني أنا مش قصدي أي حاجة غلط.
هشام والله؟ إنت تعرفها؟
مصطفى أنا بقالي ساعة بحاول أعرف اسمها بس، وهي مش راضية تقول.
هشام بدأ يتكلم مع مصطفى بصوت عالي، لحد ما الكل انتبه.
ثريا هو إيه؟
محسن أنا هقوم أشوف في إيه.
مي هي كمان أخدت بالها من هشام، وراحت عندهم.
مصطفى والله أنا شايف إني ما غلطتش.
مي في إيه يا هشام؟ ومين دي؟
مصطفى دي واحدة أنا عايز أتجوزها، وحضرتك مش عارف ماله.
مي إنتِ مين؟ ومين اللي عزمك؟
سدره كانت مش عارفة تقول إيه، ودموعها نزلت من شدة الموقف.
ثريا إيه ده؟ هي اللي اسمها مي دي بتقول إيه لسدره؟
مي أظن المهزلة دي لازم تخلص. اتفضلي يا ست إنتِ، اطلعي بره علشان أنا معزمتكيش.
ثريا هي مين دي اللي تطلع بره؟
مي إيه اللي إنتِ لبساه ده؟ إنتِ جاية خطوبة ولا جاية تعزي؟
ولسه مي هتعمل حركة ناحية نقاب سدره، هشام وقفها فورًا وقال
هشام أوعى تتجرئي تعملي كده تاني.
مي هشام، إنت اټجننت؟ مين دي علشان تعمل معايا كده علشانها؟
هشام دي مراتي، الدكتورة سدره... مرات هشام بيه.
يتبع
مي هي مين دي اللي مراتك؟
ثريا اللي سمعتيه يا حبيبتي، سدره تبقى مرات هشام.
مي لا، إنتوا أكيد بتهزروا.
ثريا يا حبيبتي، هي دي فيها هزار؟ بنتكلم جد طبعًا.
مي ما تتكلم يا هشام، طيب وأنا؟
هشام إنتِ كمان هتبقي مراتي.
مي إنت أكيد مچنون.
هشام احترمي نفسك يا مي واهدي.
مصطفى يعني إيه مراتك؟ أمال خطوبة مين دي؟
هشام إنت تخرس خلاص.
أخيرًا، سدره خرجت عن الصمت اللي كانت فيه وقررت تتكلم.
سدره أنا الدكتورة سدره، بنت زينب الخدامة، اللي الأستاذ هشام بيقول إني مراته. مراته اللي ما بيعترفش بيها، مراته اللي ما يعرفش عنها حاجة غير اسمها، ومراته اللي أول مرة يشوف وشها من كام يوم.
ثريا إيه الكلام ده يا سدره؟ اهدي يا بنتي.
سدره لا يا ماما، سبيني أتكلم علشان الأستاذ هشام يعرف إني إنسانة... بحس.
هشام خلصتي كلامك؟ طيب اسمعي بقى. طول ما اسمي واسمك في ورقة واحدة، إنتِ مراتي ڠصب عنك.
سدره ورقة إيه اللي إنت بتتكلم عليها؟ آه، الورقة اللي إنت مضيت عليها ورفضت تشوفني يومها، صح؟
مصطفى واضح يا أستاذ هشام إنها مش عايزاك، فمش بالعافية يعني.
هشام إنت مين أصلًا علشان تتدخل؟
مي الله على حفلة خطوبتي اللي اتحولت لتصفية حساب بين الأستاذ خطيبي ومراته.
ثريا وبني، تسكتي إنتِ دلوقتي.
مي الكلام ليا أنا يا طنط؟
ثريا آه، إنتِ مش شايفة واحد ومراته بيحلوا مشاكلهم؟
محسن مش كده يا ثريا.
ثريا اعمل إيه؟ هي مستفزة.
مي طيب يا هشام، أنا بقى وضعي إيه في التمثيلية دي؟
هشام قلتلك إنتِ هتبقي مراتي.
ثريا مش فايدة فيك يا هشام.
مي بس بشرط.
هشام يعني إيه بقى إن شاء الله؟
مي يعني تطلق المدام بنت الخدامة.
ثريا خدامة في عينك! دي بنتي أنا.
عمر منك لله يا هشام على اللي عملته.
هشام هي مش ناقصة يا عمر.
ثريا يلا يا محسن، يلا يا سدره، كفاية قوي كده.
هشام ماما، إنتِ رايحة فين؟
مي آه يا طنط، لسه ما لبسناش الدبل.
ثريا أنا ماشية يا هشام.
هشام ماشي يا ماما.
سدره قبل ما أمشي، أنا عايزة أطلق.
يتبع
سدره ممكن بقى تطلق وتروح تتجوز زي ما إنت عايز.
ثريا يلا يا سدره، الكلام ده في البيت، مش دلوقتي.
محسن لو سمحت يا عمر، خد مفتاح العربية علشان تسوق بينا، علشان أنا تعبان.
ثريا مالك يا محسن؟
محسن ما تقلقيش، حاجة بسيطة.
ثريا طيب يلا يا محسن، مافيش داعي نفضل أكتر من كده.
وبصت لسدره
ثريا يا حبيبتي، إنتِ كمان... أنا غلطانة إني جبتك.
هشام ماما، مافيش داعي للكلام ده.
محسن إنت بتعاند مين؟ أبوك وأمك ولا بتعاند نفسك؟
عمر يلا يا عمي، العربية جاهزة.
محسن يلا بينا يا جماعة.
وأخيرًا طلعوا من هناك.
مي خلاص يا حبيبي، كل حاجة خلصت وأنا مش هتخلى عنك.
هشام تمام.
مي هو إيه اللي تمام يا هشام؟ لتكون زعلان على البت دي؟
هشام خلاص يا مي، الموضوع ده اقفلي عليه.
مي ماشي يا هشام، خليني معاك للآخر علشان بحبك بس.
هشام ما قولنا خلاص.
محسن وصل البيت مع ثريا وسدره وعمر.
ثريا يا لو سمحتوا، مافيش حد يمشي. أنا عايزاكم في موضوع.
وبصت لسدره
وإنتِ بالذات يا سدره، أرجوكي يا بنتي، سبيني أتكلم للآخر.
ثريا وتاكدي إني بحبك زي بنتي وأكتر، وعايزة مصلحتك مش أكتر. أنا هخلي هشام يطلق سدره في أقرب وقت، لأني اتأكدت إن هشام ابني ما ينفعش يكون زوج لسدره.
سدره عايزة واحدة أحسن منه.
ثريا وأنا لقيت الشخص ده.
محسن إنتِ بتقولي إيه يا ثريا؟ هشام بدأ...
ثريا بدأ إيه يا محسن؟ زينب سايبة سدره أمانة في رقبتي، وأنا عمري ما هخلي أي حد ېجرحها، حتى لو ابني.
عمر اهدي بس يا طنط، هشام بكره ربنا يصلح حاله.
ثريا وإذا ما صلحش؟
سدره لو سمحتي يا ماما، أنا فعلًا عايزة أطلق من هشام، بس مش هتجوز تاني. كفاية كده.
ثريا يا حبيبتي، وهو إنتِ كنتِ اتجوزتي أولاني؟
هشام ابني كان غلطت، مش جواز.
ثريا وأنا خلاص لقيت اللي هياخد مكان هشام.
عمر مين يا طنط ده إن شاء الله؟
ثريا إنت يا عمر.
عمر إنتِ بتقولي إيه يا طنط؟ هشام صاحب عمري. ماقدرش أعمل كده. مدام سدره مرات هشام، وهتفضل مرات هشام. إنتِ ما تعرفيش يا طنط هشام بيحب سدره جدًا، فوق ما تتخيلي، بس هو اللي عايز شوية وقت.
ثريا لإمتى يا عمر؟
سدره عن إذنكم يا جماعة، أنا طالعة أوضتي.
ثريا اتفضلي يا حبيبتي.
محسن أدي سدره طلعت فوق. إيه الكلام ده؟
عمر خلاص يا عمي، واضح إن طنط تعبانة.
وبعد لحظات قال
وكمان هشام وصل، أنا سامع صوت عربيته.
محسن خلاص يا جماعة، اللي ربنا عايزه هو اللي هيكون.
ثريا ونعم بالله.
هشام السلام عليكم.
محسن وعليكم السلام.
هشام أنا عايز أقول حاجة لماما.
ثريا عايز إيه تاني يا هشام؟
هشام أنا مش هتجوز مي.
ثريا إنت بتتكلم جد؟
يتبع
ثريا إنت بتتكلم جد يا هشام؟
هشام أيوه يا ماما.
محسن وإيه اللي غير رأيك؟ لسه الخطوبة كانت من كام ساعة.
ثريا مش مهم نعرف أي حاجة، المهم إنه مش هيتجوز غير سدره.
محسن تمام.
عمر مش ده الكلام اللي كنت بقولك عليه يا طنط؟
ثريا فعلًا يا عمر، عندك حق.
محسن طيب مش نسمع هشام هيقول إيه؟
هشام الحقيقة مش عارف، أنا متلخبط.
عمر لسه مش عارف يا هشام بعد ده كله؟
هشام إنت نسيت مي يا عمر؟ مش هتسكت.
ثريا أيوه، إنت اخترت الغلط من الأول.
محسن طيب إنت سبت مي إزاي يا هشام بعد كل ده؟
هشام أنا اتخنقت بعد اللي حصل، وسِبت الحفلة وخرجت.
عمر طيب ومي؟
هشام ولا خدت بالها أصلًا، كانت مشغولة مع أصحابها.
عمر ربنا يستر، دي مچنونة.
ثريا ما هي دي بنت الحسب والنسب.
هشام أمال فين سدره؟
ثريا أخيرًا يا هشام قلت اسمها.
محسن خلاص بقى يا ثريا.
ثريا ممكن أسألك سؤال يا هشام؟
هشام اتفضلي يا ماما.
ثريا إنت بتحبها؟
هشام مش عارف والله. أنا كل اللي أعرفه إني ما استحملتش إن حد ېهينها في وجودي.
ثريا بس دي بنت الخدامة.
هشام خلاص بقى يا ماما.
ثريا فعلًا خلاص. المهم إنك عايزها.
محسن مش ده المهم يا ثريا.
ثريا في إيه تاني يا محسن؟
محسن المهم سدره عايزة إيه؟ دي إنسانة محترمة وبنت ناس، عندها كرامة وعندها قلب انكسر. ولا هو مجرد إن الأستاذ جه وعايز سدره، كده خلاص؟
ثريا تصدق أنا من فرحتي نسيت كل الكلام ده.
محسن لا يا ثريا، مش لازم ننسى. هي شافت كتير. ولا إيه يا هشام؟
هشام عندك حق يا بابا.
ثريا أنا هطلع عندها، وإن شاء الله خير.
محسن القرار ليها في الأول والآخر.
عمر طيب أستأذن أنا يا عمي، علشان الوقت اتأخر، وإن شاء الله الأمور تتحسن.
محسن خليك يا عمر هنا النهارده، نام مع هشام، الوقت اتأخر.
عمر في إيه؟ مين اللي بيخبط بالشكل ده؟
محسن هي الساعة كام؟ مين اللي جاي دلوقتي؟
محسن افتح يا عمر.
عمر ثواني، في إيه؟
عمر فتح الباب
عمر حضرتك مين؟
الشخص هنتكلم على الباب؟
عمر اتفضلوا.
محسن مين يا عمر؟
عمر مش إنت علاء جمال؟
علاء أيوه، وده يبقى بابا، جمال الدين.
محسن طبعًا يا ابني، إنت
وباباك غنى عن التعريف.
جمال طيب كويس إنك عرفتني، كده هتسهل